SAYEMBARA PUISI DIELEK KELANTAN

Assalamualaikumm...

 Minggu ni entri kawe lain daripada yang lain. Minggu ni kawe nak berpuisi pulak. Yang mana faham..mungkin banyak manfaat dan pengiktibaran yang dapat.. kalau tak faham, abaikanlah..

Gambar Hiasan dipetik dari GOOGLE

Sayembara Puisi Dailek Klate bertajuk..

TIPU, PENIPU DAN KENO TIPU.

Hai… tipu..tipu..tipu..

Dunia loni rama penipu, tetapi rama lagi ore kena tipu.

Ore credik tipu ore bodo itu biasa, ada jugok ore bodo tipu ore credik.

Menteri tipu Perdano Menteri, Perdana menteri tipu rakyak jelato.

Tok lebar po keno tipu. Tok guru po kena tipu, tok ime po kena tipu.

Ada ore nok nikoh tipu tok ime, dio kata buje lagi, padahal bini ada dua tigo doh.

Tok bomo pulok tipu ore sakit.. minum air tawa abih dua tigo paye po, nyakit tok siya jugok. Lepo-lepo anok daro kito nyo make ko tok bomo.

Pemaju perumahan  tipu pembeli.. dalam plan napok luas, bilo siap rumoh.. tengok, kecik cueh, dok dua tigo tahun, retok situ, rako sini, bocor situ, tirih sini. Beli rumoh tok pade denga rego. Mahal nok mapuh. Tu mujur jugok siap, beli rumoh hok tok siap-siap po banyok jugok. Pitih pozek wak lari, pinjame bank tetap keno potong, rumoh… tapok pong tok tahu kuano. Nyayo kokre…

Rama jugok ore keno  tipu ko tukang rumoh..renovet rumoh tok seberapo, tapi bayar tukang maha supo gapo.. kijo tok buat lagi mitok pitih doh. Pah tu pase mozek reyok kepok, cat rumoh cepuah wah.

Rama jugok ore keno tipu ko tokey keda perabot.. kato diskaun sapa 60, 70, 80 peratus.. padahal harga sebenar pong  staro tu jah. Kito po beli lah sapa tok muat rumoh nok isi. Kita tok tahu bahawaso  kito sebenarnya keno tipu. Tak po, pitih cash tak dok po, kad kredit ado.. buleh srekkk.

Tokey kad kredit po nipu jugok.. dio kata kad kredit dio free  bayaran tahunan, padahal dio dok make kot jale lain, Interest Charge, late payment, government charge dan mace-mace lagi. Tiap-tiap bule kito keno baya lebih.. kita tok tahu mugo kito keno tipu tu gok..

 Beli kreto po keno tipu. Kato kreto hok kito trade inn,  tuka namo doh padahal dok sebeb dale keda used car.. cukuk bule bank talipong mitok suruh settle baki kereto lamo kito kalu tok sir keno istihar muflis.  beli kereto second hand lagi keno tipu, napok kok luar come abih te, paka sbule kocok abih situ sini, jahane likat. Dealer use car po credik.. warranty used car dua menggu jah..parok pulok kito abih pitih dok tubik masuk dale keda workshop.

Ni so lagi hok kaki nipu.. peseng suruh cabut sapo surat.. bilo kita cabut, sales men pulok nopat sukanyo cabute kito kena kreto Ispira. Pah kita hok bodo ni naling dok dah dok dah buleh duye runtuh.. wok gi jabat salesmen kito kena baya RM 5000 dulu wak baya proses wak tubik kreto peri.. kito pulok mugo bodo ni tok bayok kecek paka baya slalu, wak tubik pitih dale tabung aji.. tup..tup.. kreto tok tahu kuano, duit pozek tok tahu kuano.. hok bulehnyo mesin ngurut kaki hok go RM200 MADE IN CHINA.

Ada jugok nipu hok peseg main sahe cepat kayo.. hok tu tok soh royak la dok tubik sokmo dale tibi nga surat koba.. tapi ore hok tomok ni dio tok brigat lah mano.. senyum-senyum jah ore tipu dio dua tigo ratus ribu.. buke dio sajo.. abih anok branok dan saing rapet dio keno tipu skali.

Pah so lagi.. hok peseng nipu usaha samo projek tenakan iken keli, cacing gelang, lintah, lembu, kulat dan mace-mace lagi. Lepah keno kepeng, cayolah kito bulat-bulat. Holo la kito pitih masuk sher, holo banyok, pulange po bayok. Tomok punyo pasa abih duit dale bank kita wak tubik buat melabur, tanoh sako po gada lagi.. pah tu dok koya la kito nok tuka kreto, nok beli tanoh, nok renovet rumoh.. dok dua tigo bule.. duit pelaburan kito nyo wak lari ko demo.. nengung tiok bergelepa laaa kito. Make tok lalu, tido tok leno, mandi dok rajin muga tahu doh kita kena tipuuu to gak.

Hok tino keno tipu ko gewe tu biasa doh.. balok kecek mitok nok pe.. dio kato kalu apo-apo berlaku, dio akan bertanggungjawab la kononnya.. pah kawe ni mugo hok gelenya doh buwilah.. tup..tup.. ngandung. Hok jate lari sak perak.. hok tino la susoh payoh bibit anok dale supit rorak gi tohok dale jambe, dale lokang, atah tango sejid, dale tong sapoh, dale sunga, dale parit, dale rok, dale semok. Tok perit tapi gok, pah tu jupo jate lain dia wak supo tu pulok.

Ado jugok pengantin keno tipu.. kawe ni abih duo eko lembu pereboh.. kad jempute nikoh 3000 doh edar. Sapa tiko, pengantin jate tok sapa-sapa.. maluuunyo kokrang… pok pong mulo laa..nana cari pok sanggup. Ada jugok ore nipu duit blanjo nikoh,  boh pitih plesu letok atah par. Nok wak rano mugo bakal tok tuo nok tunjuk anok dio laku, letok duit blanjo sapa RM10,000 nah.. padahal anok tino dio malah banga, gemuk meto pah kuat tido pulok tuh.

Hok anok tipu pok mok tu perkara biasa doh.. nok idup ke. Hok tok laki tipu bini lagi biasa. Bini po kade-kade tipu jugok tok laki. Cikgu keno tipu ko anok murid po rama jugok. Saing tipu saing po biasa jah.

Nipu ni bersifat global.. ore luar po nipu ore kito. Ada ore keno tipu jadi kudo dadoh. Ada anok daro tua keno tipu ko ore putih, ore arab, ore negro. Dale Face Book tu belembe ore kito keno tipu. Gi mano-mano po kita keno tipu. Pendek kato dunia hari ni penuh dengan tipu dayo. Tapi kita ke pege woh ni so karo.. bilo maso kita tok keno tipu dan tiko bilo kito tok nipu???  Bila kita masuk kubor.. MAKA KATA ALLAH ITU BENAR. BILA SESEORANG UMAT MUHAMMAD ITU SUDAH MASUK KUBUR YAKNI MATI, MAKA TERPUTUSLAH DIA DENGAN HUBUNGAN LUAR KECUALI AMAL SOLEH, DAN ANAK YANG MENDOKAN KEAMPUNAN UNTUKNYA. SESUNGGUHNYA SIKSAAN KUBUR ITU BENAR, TITIAN SYIRAQ ITU BENAR, SYURGA ITU BENAR DAN NERAKA JUGA BENAR. HANYA ITU YANG BENAR, SEBENAR-BENARNYA…

Hasil Nukilan :

Matdingunung.blogspot.com