Wednesday 29 August 2012

TEMPAT2 MAKAN MENARIK DI PEKAN TANAH MERAH


Untuk Bacaan Orang Kelantan Khususnya Penduduk Daerah Tanah Merah.

MI MAT JENG
Skalo setiap kali kelik kapong aku make sokmo Mi Mat Jeng. Kalu tidok atah pasar Tanoh Meroh, aku make di cawangan dio kat Manal. Tapi kelik rayo baru ni tok de nok make. sibuk dooh kulu kilir dok brayo.
Sebut pasal Mi Mat Jeng meme soho pelek terutamanya bagi penduduk Daeroh Tanoh Meroh. Masih segar dale ingatan maso aku kecik-kecik dulu tok rajin miss make mi Mat Jeng terutamanya masa hari rayo kedua. Kalu kiro berapo tahun doh Mat Jeng  nego mi atah pasar, yak dari aku darjoh 6 lagi (28 tahun ). Maso tu hargo mi dio samah (limo puluh sen ) spinge. Pah tu naik sikit..sikit..sikit... Loni RM3 ya spinge. Dio buat rengkah sangat jah, tapi peminat dio meme rama pelek. Tamboh istimewo mi dio ialah dia masok depe pelangge dio. Kita buleh kelih gapo perencoh hok dia boh. Mi kuwoh dia capo kakong nga daging jah, pah eksesori dio pulok air lado nga serbuk lado tapi sedap segoti. Make spinge tok cukup. Kalu nok tamboh eksesori, kita buleh bowok sutong sdiri. Aku tera perati jugok dio boh gapo dale mi dio tapi bila aku kelik buat dumoh, tok jadi serupo hok Mat Jeng buat, tapi dekat-dekat nok jadi. Mungkin ado woh kilah hok Mat Jeng susut bekali. Anok dio dok masok tepi dio yak ritu lagi tapi tok sesedap Mat Jeng buat lagi. Air tange Mat Jeng meme lain. Buke nok kepeng, kalu sapo-sapo hok tok rajin tera mi Mat Jeng, buleh gi tera la atas merket Tanoh Meroh, keda hok banyok cili sos atas mejo. Kalu keno ari molek, keno beratur tunggu mejo kosong. Make situ slalu sedap sikit, kalu bukuh wak kelik jadi tok sedap lah mano doh. Birah aku skali ore Negeri Smile aku bowok gi make Mi Mat Jeng, nok gi sokmo lepah tu. Kuat penengan mi Mat Jeng.

Mi Mat Jeng Special ( Gambar Ehsan KUWA )

NASI LEMAK TOK WE

So lagi tepat soho makene di Pekan Tanoh Meroh ialah tidak lain tidok buke NASI LEMOK BURUNG PUYUH TOK WE. Kalau dulu lokasi gerai nasi lemak ni ialah sebelah Pusat Kesihatan Tanah Meroh sebeloh Klinik Dr NIK. Tapi oleh sebab MDTM membuat penstrukturan semula jalan-jalan di dalam penguatkuasaan majlis, maka gerai ni telah berpindoh ke satu kawasan baru jale nok gi alah ko spital Tanoh Meroh. Nasi lemok ni meme hebat lah terutama sekali sambalnya yang tiada tandingan. Biasa gerai ni buka pukul 6 petang sehingga pukul 6 pagi. Masa aku belajar dale tingkatan 6 kat sekolah IBA Tanoh Meroh, masa tu dok rumoh sewo di jalan Taman Kadir Adabi. Buleh dikatakan kerek la jugok layan nasi lemok Tok We ni bila penat menelaah buku-buku teks dan membuat latihan sekolah hok cikgu suruh buat. Lagi rama gi lagi ralek dok buwa sehinggo sapa pukul 5 pagi. Katanya nasi lemok burung puyuh Tok We ada buko cawange di Kg Baru tapi aku tok tahu mano keda dio.



Meme sedaplah Nasi Lemok Burung Puyuh Tok We. Soho rato-rato

 COLEK PERUT BELAKE STESEN BAS

So lagi tepat make soho di Pekan Tanoh Meroh ialah COLEK PERUT. Lokasi keda dio di blakang stesen bas Tanoh Meroh. Loni aku tok tahu gerai colek tu wujud lagi atau berkubur doh. Lamo bena tok singgoh. Air nyicoh colek dio hok sedap, pah tu dale colek dia ado capo kakah dale seperti perut lembu tu hok wojib, pah tu limpo, pelepong (paru), pah capo nga timun bate, kace togeh (tauge), akhir sekali jeput malah dan kace tanoh tumbuk. Meme jelirolah kalu make. Dulu samah jah supit, loni tok tahu lah berapo amah supit. Kalu sakat beli supit tok pade nok beratur pah tu dale supit tu sikit jah kuantitinya. Tok genap bokko make supit. Saing aku mari Perok lagi nok make colek tu mungkin dia search google kot.


Colek Perut
NASI CAMPUR TEPI SUNGAI

 So lagi tepat soho ialah Nasi Capo Tepi Sungai. Lokasi kedai dio jauh sikit nga Pekan Tanoh Meroh iaitu lebih kure 9 km, tapi dekak skoloh teknik Tanoh Meroh sebelum sapa slekoh taje kalu dari pekan Tanoh Meroh. Soho keda ni sebab dio ado banyok lauk. Mace-mace ado. royak nok lauk gapo ado blako. Gulai kawoh, krutuk serati, kerabu pauh, segalo jenih ike bakar, ike singge, dan macam-macam adaa. Pencucui mulut yang terdiri daripada kuih-muih tradisional Klate pun ado. Makene siam pun ada termasuk somtam, colek daun kadok, colek mangga yang siap di pek. Tepat parking keda dia luas. Jamban banyok, surau pun ado. Kalu baso mari Klate kalu ore luar buleh la tera singgoh.

Gerai Nasi Capo Tepi Sungai. Macam-macam lauk adaaa..
Loni mungkin banyok lagi tepat-tepat make di sekitar Daeroh Tanoh Meroh. Kalu rajin cari nyo jupo tepat make sedat. Sate Kaje pun ado jale alah nok gi ko Pasir Mas. Sup perut di Restoren Kak Mah Budiman (tepi keda jahit Yasin) pun buleh bekiro. Lain daripada yang lain jugok. Mee Kg Pek pun ado buko cawange kat bandar baru tepi sungai. Cari laa.. kalu jupo kedai make hok sedap royak la kawe etek..

1 comment:

  1. 4 tempat dih. Mee Mat Zin make doh...huk 3 lagi dok sapa maso lagi.

    ReplyDelete